#1-002 முதல் திருமுறை / விண்ணப்பக் கலிவெண்பா

• ஆளிலையென் றாரூர னார்துதிக்கத் தந்தருளும்
• கோளிலியின் அன்பர்குலங் கொள்ளுவப்பே - நீளுலகம்

#2-064 இரண்டாம் திருமுறை / நெஞ்சு நிலைக் கிரங்கல்

• ஆளாக நின்பொன் அடிக்கன்பு செய்திட ஐயநெடு
• நாளாக இச்சைஉண் டென்னைசெய் கேன்கொடு நங்கையர்தம்
• மாளா மயல்சண்ட மாருதத் தால்மன வாசிஎன்சொல்
• கேளா தலைகின்ற தால்ஒற்றி மேவும் கிளர்ஒளியே.

#2-085 இரண்டாம் திருமுறை / அடிமைப் பதிகம்

• ஆள்வினையால் பயன்உறுவார் அசதி யாட
• அந்தோ இப் புலைநாயேன் அன்பால் நின்பால்
• வேள்விசெயும் பெருந்தவர்க்கே வேள்வி செய்ய
• வேண்டும்இதற் கெம்பெருமான் கருணை செய்யும்
• நாள்விளைவில் சின்னாளே இதுதான் உண்மை
• நம்பும்என நவின்றுனையே நம்பி நின்றேன்
• கேள்வியிலாத் துரைத்தனமோ அலது நாயேன்
• கிளக்குமுறை கிளக்கிலனோ கேட்டி லாயே.

#4-005 நான்காம் திருமுறை / பக்தி மாலை

• ஆளுடையாய் சிறியேன்நான் அருளருமை அறியேன்
• அறியாதே மறுத்தபிழை அத்தனையும் பொறுத்து
• வாளுடையேன்¹⁸⁸ தனைஅழைத்துத் திரும்பவும்என் கரத்தே
• வலிந்தளித்த பெருங்கருணை வண்ணம்என்றன் மனமும்
• நீளுடைய கண்களும்விட் டகலாதே இன்னும்
• நிகழ்கின்ற தாயினும்என் நெஞ்சம்உரு கிலதே
• ஏளுடைய மலையும்இதற் குருகல்அரி தலவே
• இனித்தநடம் புரிந்துமன்றில் தனித்தசிவக் கொழுந்தே.

#5-008 ஐந்தாம் திருமுறை / குறைஇரந்த பத்து

• ஆளாயோ துயர்அளக்கர் வீழ்ந்து மாழ்கி
• ஐயாவோ எனும்முறையை அந்தோ சற்றும்
• கேளாயோ என்செய்கேன் எந்தாய் அன்பர்
• கிளத்தும்உன தருள்எனக்குக் கிடையா தாகில்
• நாளாய்ஓர் நடுவன்வரில் என்செய் வானோ
• நாயினேன் என்சொல்வேன் நாணு வேனோ
• தோளாஓர் மணியேதென் தணிகை மேவும்
• சுடரேஎன் அறிவேசிற் சுகங்கொள் வாழ்வே.

#6-106 ஆறாம் திருமுறை / சுத்த சிவநிலை

• ஆளுடையான் நம்முடைய அப்பன் வருகின்ற
• நாள்எதுவோ என்று நலியாதீர் - நீள
• நினையாதீர் சத்தியம்நான் நேர்ந்துரைத்தேன் இந்நாள்
• அனையான் வருகின்றான் ஆய்ந்து.