#1-003 முதல் திருமுறை / நெஞ்சறிவுறுத்தல்

• ஒள்ளிழையார் தம்முருவோர் உண்கரும்பென் றாய்சிறிது
• கிள்ளியெடுத் தால்இரத்தங் கீழ்வருமே - கொள்ளுமவர்

#2-064 இரண்டாம் திருமுறை / நெஞ்சு நிலைக் கிரங்கல்

• ஒளியாய் ஒளிக்குள் ஒளிர்ஒளி யேஒற்றி உத்தமநீ
• அளியா விடில்இதற் கென்னைசெய் கேன்அணங் கன்னவர்தம்
• களியால் களித்துத் தலைதெரி யாது கயன்றுலவா
• வளியாய்ச் சுழன்றிவண் மாயா மனம்எனை வாதிப்பதே.

#2-100 இரண்டாம் திருமுறை / அம்மை திருப்பதிகம்

• ஒளிமருவும் உனதுதிரு வருள்அணுத் துணையேனும்
• உற்றிடில் சிறுது ரும்பும்
• உலகம் படைத்தல்முதல் முத்தொழில் இயற்றும்என
• உயர்மறைகள் ஓர்அ னந்தம்
• தெளிவுறமு ழக்கஅது கேட்டுநின் திருவடித்
• தியானம் இல்லா மல்அவமே
• சிறுதெய்வ நெறிசெல்லும் மானிடப் பேய்கள்பால்
• சேராமை எற்க ருளுவாய்
• களிமருவும் இமயவரை அரையன்மகள் எனவரு
• கருணைதரு கலாப மயிலே
• கருதும்அடி யவர்இதய கமலமலர் மிசைஅருட்
• கலைகி ளரவளர் அன்னமே
• அளிநறைகொள் இதழிவனை தில்லையம் பதிமருவும்
• அண்ணலார் மகிழும் மணியே
• அகிலாண்ட மும்சரா சரமும்ஈன் றருள்பரசி
• வானந்த வல்லி உமையே.

#4-002 நான்காம் திருமுறை / அருட்பிரகாச மாலை

• ஒளிவண்ணம் வெளிவண்ணம் என்றனந்த வேத
• உச்சியெலாம் மெச்சுகின்ற உச்சமல ரடிகள்
• அளிவண்ணம் வருந்தியிட நடந்தருளி அடியேன்
• அடைந்தவிடத் தடைந்துகத வந்திறக்கப் புரிந்து
• களிவண்ணம் எனைஅழைத்தென் கையில்வண்ணம் அளித்த
• கருணைவண்ணந் தனைவியந்து கருதும்வண்ணம் அறியேன்
• தௌவிண்ண முடையர்அன்பு செய்யும்வண்ணம் பொதுவில்
• தெய்வநடம் புரிகின்ற சைவபரம் பொருளே.

#5-053 ஐந்தாம் திருமுறை / கந்தர் சரணப்பத்து

• ஒளியுள் ஒளியே சரணம் சரணம்
• ஒன்றே பலவே சரணம் சரணம்
• தெளியும் தெருளே சரணம் சரணம்
• சிவமே தவமே சரணம் சரணம்
• அளியும் கனியே சரணம் சரணம்
• அமுதே அறிவே சரணம் சரணம்
• களியொன் றருள்வோய் சரணம் சரணம்
• கந்தா சரணம் சரணம் சரணம்

#6-005 ஆறாம் திருமுறை / சிவபதி விளக்கம்

• ஒளிவளர் உயிரே உயிர்வளர் ஒளியே ஒளியுயிர் வளர்தரும் உணர்வே
• வெளிவளர் நிறைவே நிறைவளர் வெளியே வெளிநிறை வளர்தரு விளைவே
• வளிவளர் அசைவே அசைவளர் வளியே வளியசை வளர்தரு செயலே
• அளிவளர் அனலே அனல்வளர் அளியே அளியனல் வளர்சிவ பதியே.

#6-054 ஆறாம் திருமுறை / ஆரமுதப் பேறு

• ஒளியே அவ்வொளி யின் - நடு - உள்ளொளிக் குள்ளொளி யே
• வெளியே எவ்வெளி யும் - அடங் - கின்ற வெறுவெளி யே
• தளியே அம்பலத் தே - நடஞ் - செய்யுந் தயாநிதி யே
• அளியே தந்தனை யே - அரு - ளாரமு தந்தனை யே.

#6-081 ஆறாம் திருமுறை / தோழிக் குரிமை கிளத்தல்

• ஒளிஒன்றே அண்டபகி ரண்டமெலாம் விளங்கி
• ஓங்குகின்ற தனிஅண்ட பகிரண்டங் களிலும்
• வெளிநின்ற சராசரத்தும் அகத்தினொடு புறத்தும்
• விளம்பும்அகப் புறத்தினொடு புறப்புறத்தும் நிறைந்தே
• உளிநின்ற இருள்நீக்கி இலங்குகின்ற தன்மை
• உலகறியும் நீஅறியா தன்றுகண்டாய் தோழி
• தளிநின்ற ஒளிமயமே வேறிலைஎல் லாமும்
• தான்எனவே தாகமங்கள் சாற்றுதல்சத் தியமே.

#6-092 ஆறாம் திருமுறை / இன்பத்திறன்

• ஒளியாகி உள்ஒளியாய் உள்ஒளிக்குள் ஒளியாய்
• ஒளிஒளியின் ஒளியாய்அவ் ஒளிக்குளும்ஓர் ஒளியாய்
• வெளியாகி வெளிவெளியாய் வெளியிடைமேல் வெளியாய்
• மேல்வெளிமேல் பெருவெளியாய்ப் பெருவெளிக்கோர் வெளியாய்
• அளியாகி அதுஆகி அதுவும்அல்லா தாகி
• அப்பாலாய் அப்பாலும் அல்லதுவாய் நிறைவாம்
• தளியாகி எல்லாமாய் விளங்குகின்ற ஞான
• சபைத்தலைவா நின்இயலைச் சாற்றுவதெவ் வணமே.

#6-097 ஆறாம் திருமுறை / நடராஜபதி மாலை

• ஒள்ளிய நெருப்பிலே உப்பிலே ஒப்பிலா
• ஒளியிலே சுடரிலேமேல்
• ஓட்டிலே சூட்டிலே உள்ளாடும் ஆட்டிலே
• உறும்ஆதி அந்தத்திலே
• தெள்ளிய நிறத்திலே அருவத்தி லேஎலாம்
• செயவல்ல செய்கைதனிலே
• சித்தாய் விளங்கிஉப சித்தாய சத்திகள்
• சிறக்கவளர் கின்றஒளியே
• வள்ளிய சிவானந்த மலையே சுகாதீத
• வானமே ஞானமயமே
• மணியேஎன் இருகண்ணுள் மணியேஎன் உயிரேஎன்
• வாழ்வேஎன் வாழ்க்கைவைப்பே
• துள்ளிய மனப்பேயை உள்ளுற அடக்கிமெய்ச்
• சுகம்எனக் கீந்ததுணையே
• சுத்தசிவ சன்மார்க்க நிதியே அருட்பெருஞ்
• சோதிநட ராஜபதியே.