#2-030 இரண்டாம் திருமுறை / நெஞ்சுறுத்த திருநேரிசை

• பயன்அறியாய் நெஞ்சே பவஞ்சார்தி மாலோ
• டயன்அறியாச் சீருடைய அம்மான் - நயனறியார்
• உள்ளத் தடையான் உயர்ஒற்றி யூரவன்வாழ்
• உள்ளத் தவரை உறும்.

#6-002 ஆறாம் திருமுறை / அருட்பெருஞ்ஜோதி அகவல்

• பயிர்ப்புறு கரணப் பரிசுகள் பற்பல
• உயிர்த்திர ளொன்றென வுரைத்தமெய்ச் சிவமே

#6-020 ஆறாம் திருமுறை / பிள்ளைப் பெரு விண்ணப்பம்

• பயத்தொடு துயரும் மறைப்புமா மாயைப் பற்றொடு வினையும்ஆ ணவமும்
• கயத்தவன் மயக்கும் மருட்சியும் எனது கருத்திலே இனிஒரு கணமும்
• வியத்திடத் தரியேன் இவையெலாந் தவிர்த்துன் மெய்யருள் அளித்திடல் வேண்டும்
• உயத்தரு வாயேல் இருக்கின்றேன் இலையேல் உயிர்விடு கின்றனன் இன்றே.

#6-020 ஆறாம் திருமுறை / பிள்ளைப் பெரு விண்ணப்பம்

• பயந்துயர் இடர்உள் மருட்சியா தியஇப் பகைஎலாம் பற்றறத் தவிர்த்தே
• நயந்தநின் அருளார்²³³ அமுதளித் தடியேன் நாடிஈண் டெண்ணிய எல்லாம்
• வியந்திடத் தருதல் வேண்டும்ஈ தெனது விண்ணப்பம் நின்திரு உளத்தே
• வயந்தரக் கருதித் தயவுசெய் தருள்க வள்ளலே சிற்சபை வாழ்வே.

#6-043 ஆறாம் திருமுறை / இறை திருக்காட்சி

• பயமும்வன் கவலை இடர்முதல் அனைத்தும்
• பற்றறத் தவிர்த்தருட் பரிசும்
• நயமும்நற் றிருவும் உருவும்ஈங் கெனக்கு
• நல்கிய நண்பைநன் னாத
• இயமுற வெனது குளநடு நடஞ்செய்
• எந்தையை என்னுயிர்க் குயிரைப்
• புயனடு விளங்கும் புண்ணிய ஒளியைப்
• பொற்புறக் கண்டுகொண் டேனே.

#6-085 ஆறாம் திருமுறை / திருவருட்பேறு

• பயத்தோ டொருபால் படுத்திருந்தேன் என்பால்
• நயத்தோ டணைந்தே நகைத்து - வயத்தாலே
• தூக்கி எடுத்தெனைமேல் சூழலிலே வைத்தனைநான்
• பாக்கியவான் ஆனேன் பதிந்து.

#6-099 ஆறாம் திருமுறை / தத்துவ வெற்றி

• பயம்எனும்ஓர் கொடும்பாவிப் பயலேநீ இதுகேள்
• பற்றறஎன் தனைவிடுத்துப் பனிக்கடல்வீழ்ந் தொளிப்பாய்
• தயவின்உரைத் தேன்இன்னும் இருத்திஎனில் உனது
• தன்றலைக்குத் தீம்புவரும் தலைமட்டோ நினது
• செயலுறும்உள் உடம்பழியும் சுற்றமெலாம் இறக்கும்
• தீர்ந்ததினி இல்லைஎன்றே திருவார்த்தை பிறக்கும்
• அயலிடைநேர்ந் தோடுகநீ என்னைஅறி யாயோ
• அம்பலத்தென் அப்பன்அருள் நம்புபிள்ளை நானே.