How to search?

  • திருவருட்பாவில் தேட வேண்டின் தமிழில் தான் உள்ளீடு செய்ய வேண்டும். பாடல்கள் வள்ளலார் எழுதிய முறையில் உள்ளவை மற்றும் சந்தம் பிரிக்கப்படாத பாடல் வரிகள் ஆதலால் தேடும் பொழுது அதை நினைவில் கொள்க.

  • உதாரணமாக : " இப்பா ரிடைஉனையே ஏத்துகின்ற நாயேனை " என்பதை தேடும் பொழுது சந்தம் பிரித்து "இப்பாரிடை உனையே..." என்று தேடினால் கிடைக்காது ஆதலால் சிறிய சிறிய வார்தைகளாக தேடுதல் வேண்டும்.

    • சிந்து
    • திருச்சிற்றம்பலம்
    • பல்லவி
    • இதுநல்ல தருணம் - அருள்செய்ய
    • இதுநல்ல தருணம்.
    • பல்லவி எடுப்பு
    • பொதுநல்ல நடம்வல்ல புண்ணிய ரேகேளும்
    • பொய்யேதும் சொல்கிலேன் மெய்யே புகல்கின்றேன். இதுநல்ல
    • கண்ணிகள்
    • மதித்த சமயமத வழக்கெல்லா மாய்ந்தது
    • வருணாச் சிரமம்எனு மயக்கமும் சாய்ந்தது
    • கொதித்த லோகாசாரக் கொதிப்பெல்லாம் ஒழிந்தது
    • கொலையும் களவுமற்றைப் புலையும் அழிந்தது. இதுநல்ல
    • குறித்த வேதாகமக் கூச்சலும் அடங்கிற்று
    • குதித்த314 மனமுருட்டுக் குரங்கு முடங்கிற்று
    • வெறித்தவெவ் வினைகளும் வெந்து குலைந்தது
    • விந்தைசெய் கொடுமாயைச் சந்தையும் கலைந்தது. இதுநல்ல
    • கோபமும் காமமும் குடிகெட்டுப் போயிற்று
    • கொடியஓர் ஆங்காரம் பொடிப்பொடி ஆயிற்று
    • தாபமும் சோபமும் தான்தானே சென்றது
    • தத்துவம் எல்லாம்என் றன்வசம் நின்றது. இதுநல்ல
    • கரையா எனதுமனக் கல்லும் கரைந்தது
    • கலந்து கொளற்கென் கருத்தும் விரைந்தது
    • புரையா நிலையில்என் புந்தியும் தங்கிற்று
    • பொய்படாக் காதல் ததும்பிமேல் பொங்கிற்று.
    • இதுநல்ல தருணம் - அருள்செய்ய
    • இதுநல்ல தருணம்.
    • 314. கொதித்த - முதற்பதிப்பு., பொ சு, பி. இரா., ச. மு. க.